Current issue news: December 2011 Back to previous

Vrae oor koste van straatnaamvoorstelle

Voorgestel om Raymond Mhlabastraat te word. Foto: Attie van Rensburg

• Redaksie

Volgens advertensies van die Vrystaatse LUR vir Sport, Kuns, Kultuur en Ontspanning, in samewerking met die Mangaung Metro Munisipaliteit en ander geaffekteerde munisipaliteite, word openbare verhore in Desember 2011 gehou om die volgende voorgestelde naamveranderinge te bespreek:

Bloemfontein

• Maitlandstraat na Charlott Maxekestraat
• Andries Pretoriusstraat na Raymond Mhlabastraat
• Curielaan na Govan Mbekilaan
• Haldonweg na Walter Sisuluweg
• Paul Krugerstraat na OR Tambolaan
• Eeufeesweg na Kenneth Kaundaweg
• Bankovs na Elias Motsoaledistraat
• Universitas Akademiese Hospitaal na Albertina Sisulu Akademiese Hospitaal
• Mangaung Hospitaal na Dr. Matlhape Hospitaal
• Bloemfontein Internasionale Lughawe na Bram Fischer Internasionale Lughawe
• Mangaung Metro Streekskantoor na Lesley Monnanyane Gebou
• Hoffman Plein na Mapikela Plein
• Provinsiale Regerings Gebou na Caleb Matshabi Gebou
• Medfontein Gebou na Martha Mothlakoane Gebou
• Chris de Wet Gebou na Gabriel Dichabe Gebou
• Nasionale Departement van Openbare Werke: VS Streeksgebou na Ellen Khuzwayo Gebou

Botshabelo

• Botshabelo Stadion na Kaizer Sebothelo Stadion
• Botshabelo Hoofweg na Jazzman Mokgothu Hoofweg

Ladybrand

• Ladybrand Hospitaal na Senorita Nhlabathi Hospitaal
• N8 Corridor Development na King Moshoeshoe Development Corridor

Trompsburg

• Trompsburg Hospitaal na Albert Nzula Hospitaal

Kommentaar kan gelewer word voor 5 Desember 2011 aan: Mnr. Jeff Mphomela,Departement van Sport, Kuns, Kultuur en Ontspanning – hoek van Henry-en Oos-Burgerstraat, Business Partners Gebou, Kamer 226, tel: 051 410 4703 sel: 072 535 2144, jeff@sacr.fs.gov.za

Die algemene reaksie in die sakesektor op die voorgestelde naamsveranderinge is een van skok en ongeloof, veral oor die moontlike verandering van gevestigde name dikwels meer as 'n eeu oud, die geweldige koste-implikasies wat onvermydelik sou wees vir beide publieke en privaatsektor en die verwarring wat dit vir die publiek oor die algemeen vir 'n onbepaalde tyd kan skep.

Voorts word gevra hoe die Mangaung Metro Munisipaliteit met sy vervalle infrastruktuur, swak dienslewering en groot finansiële probleme die voorgestelde naamsveranderinge wil finansier.

Die eerste openbare vergadering in Bloemfontein oor die voorstelle is 13 Desember 2011, om 17:00, in die Bloemfonteinse Stadsaal.